Chhiarpui neih tura Order ZORO in an pawm lo

Zo Re-unification Organisation (ZORO) chuan Mizoram District thenkhata Deputy Commissioner (DC) te thupek-a Block Development Officer (BDO) ten chhiarpui neihna tur VC hrang hrang hnenah order an siama, chhiarpui neih tur chu an pawm theih loh thu an sawi.

Hemi chungchanga thuchhuah an siamah ZORO chuan heng hnam - 1. Man (Tai speaking), 2. Garo, 3. Khasi - Jaintia, 4. Hajong, 5. Naga & Dimasa, 6. Chorei, 7. Simte, 8. Zou, 9. Zomi, 10. Neihsial, 11. Ranglong leh 12. Thado awm zat chhiarpui nei tura tih an nih thu tarlangin, hei hi an hriatthiam loh thu an tarlang a. ZORO chuan, “He'ng chhiar tur zinga mi No. 6 atanga 12 thleng hian Zohnahthlak vek an ni a, hetia kan unaute a hrana chhiar tumna hi engvanga neih tum nge an nih tih Mizoram sawrkar hian a chhan mipui hnenah sawifiah ngei turin kan ngen a ni,” an ti a. Zohnahthlak unaute a hranpa a chhinchhiah tum an ni hi ZORO chuan ngaihthat thlak loh hle a an hriat thu sawiin, “Kan Zohnahthlak unau, Mizoram chhunga cheng te enhran an ni hi ZORO chuan tha lo a ti takzet a ni,” an ti a. Zohnahthlak te chhiarpui neihna tura DC thenkhatin Order an siam hi ennawn a siamtha leh turin sawrkar an ngen bawk.

Comments

Popular posts from this blog