Passport dilna hawng dawn

Guwahati Regional Passport Office hnuaia Aizawl Passport Seva Laghu Kendra chu tun thla ni 3 khian mipuite dawr theih tura hawn a ni dawn a, Passport diltute tan Appointment siam theih a ni anga, appointment lo nei tawhte tan pawhin ‘Normal Category’ hnuaiah an appointment an sawn thei ang.  Appointment ti duh te chuan website www.passportindia.gov.in-ah hian inziahluh hmasak a, online hmangin dil man (application fee) pek nghal tur a ni. Hemi zawh hian passport diltu chu website-ah hian lut (login) in, pawisa a pe fel tih a chian hnuah appointment a siam ang. Heng a tih zawh hian portal-ah appointment chu a lo lang ang.

Passport diltu appointment siam tawhte chu an appointment neih hun vawi khat tihdanglam phalsak an ni ang a. Amaherawh chu, an hun ruat (appointment) ah hian an inlan lo anih chuan tihdanglam sak theih an ni tawh lo ang a, an application fee an chan bawk ang. Passport diltute nihna hrang hrang (hming, pian ni, thla leh kum, nu leh pa hming leh a dangte) chu an document zawng zawngah a inang tur a ni.