Deputy CM in General Assembly a hmanpui

Provisional Employees' Association of Mizoram, PHE Department Branch chuan nimin khan Multipurpose Cultural Complex, Berawtlang-ah General Assembly vawi 1-na an hmang a, he hun hi Deputy Chief Minister Tawnluia chuan hmanpuiin sawrkar hnathawk, Muster Roll kan tih thin kha tun sawrkar hmalakna in Provisional Employee ti a vuahin kaldan thar leh mumal zawk duan a ni ta tih a sawi a. hun tha zawng zawng sawrkar tana hmangten sawrkar ah regularisation an nih theihnan Dan thar hrang hrang, post vacancy a awm a an ngheh theihnan dan thar hrang hrang- kum 7 hnu a vacant post a awm a Seniority behchhana regular theihna dan te, Regular te hlawh zat atanga 50% fix pek te, Casual Leave chungchangte, Regular post sawrkarin a lak apianga Provisional Employees tan 35% reservation te, kum khat ah hlawh 4% increment te leh thildangte duanchhuah thar a nih thu a sawi bawk.