Cricket Tournament khel leh
DC Playground Serchhip-a SDCA Season Opening Tournament nimin-a inkhel hmasa zawkah Tuikhuah Veng CC chuan Bawngchawm CC chu Wicket 7 in an hneh a, Toss-a chak TKCC in vawm hmasak thlangin Bawngchawm CC hian Overs 12.4-ah run 72 siamin an Out vek a, hei hi Tuikhuah CC hian um ve lehin Overs 8.3-ah Wicket 3 chauh hlohin an Target hi an umphak a, Wicket 7 in Tuikhuah CC hian hnehna an chang zui ta a ni. TKCC lam tan Lalramthianga chuan ball 27 a hmachhawn ah run 21 vaw chhuakin Man of the Match-ah thlan a ni.
Nimin-a inkhel tur AO3C leh Then-zawl CC te chu AO3C te an inlan loh avangin Thenzawl CC te hi chak ah puan an ni. Vawiin hian inkhel pahnih a awm leh dawn a, zing dar 9:00-ah Semi Final Match hmasa zawk Hmar Veng CC leh Tuikhuah CC ten an khel anga, chhun dar 12:30-ah Serchhip CC leh Chanmari CC te an inkhel bawk ang.
Comments
Post a Comment