Kumin ah Tuichang Lei dawh thar hman theih beisei
Kum engemaw zat chhung he Lei dawh hna hi kalpui a nih hnuah tun thlenga lirthei tana zawh theih ala nih loh avangin nimin khan Hrangturzo East leh West Block MNF hruaitute chuan he Lei dawh mek hi tlawhin he hunah hian Lei dawh hna thawktu Company bakah PWD Serchhip Division-a Executive Engineer R. Zirsangliana pawh a tel a, Lei dawh meka harsatna awm te sawiho niin lirthei in an zawh theih tura hna hmabak la awm te pawh sawiho a ni bawk.
Hetianga sawihona an neih hnu hian he Lei hi kumin December thla chhunga lirthei tana zawh theih tura peihfel turin inremna ziah a ni a, ruahman ang chuan kumin December thla chhung hian hna liantham hrang hrangte chu zawhfel tur niin December 20 hmain Lei dawh thar-a kal kainaa tur siam hna leh Lei dawh thar chin Blacktop hna te chu zawh tur a ni dawn a, he Lei dawh thar hi Company lamin Load Test neih an duh a nih chuan December 21 leh December 31 inkar chhunga neih tur niin hei hi an nei dawn lo a nih chuan December 21 atang chuan lirthei tana kaltlang theiha hman theih tura peih a ni tawh dawn a ni.
Tarlan tawh angin kumin a Assembly Session neih ah khan PWD changtu Chief Minister Zoramthanga chuan he Lei hi Dec. 1, 2016 khan dawh tan a nih thu a lo sawi tawh a. Original Estimate chu cheng nuai 754.75 niin October 31, 2018-ah Revised Estimate thehlutin cheng nuai 825.85 niin hetih hunlai hian a zawh hun tur hi Company hian pawhsei an dil mek a ni.
Comments
Post a Comment