Vigilance Awareness Week pualin Walkathon nei

Mizoram Sawrkar Vigilance Department leh Central YMA te hmalakna in nimin zing khan Aizawl-ah Vigilance Awareness Week 2022 hawnna atan Walkathon buatsaih a ni.

He Walkathon-ah hian Aizawl khawpui chhunga Branch YMA tin atangin mi 3 zel telin Sikulpuikawn atanga Branch YMA 40 aiawh kalkhawm te chu ACB-a SP Lalsanglura chuan vailiamin Chanmari Kawn atanga Branch YMA 68 aiawhte chuVigilance Department-a Director Laldingluaia chuan a vailiam bawk a, Aizawl Vanapa Hall kawt-ah intawkkhawmin he hunah hian Central YMA President R. Lalngheta chuan ram leh hnam hmelma hlemhletna hi mimala do hneh chi a ni lova, ram mipuiten tangruala do chi a ni, tiin “Mizoram Sawrkarin Central atanga a sum dâwn te diktak leh fel takin a hmanna tur dik takah hman ni se tih hi mipui duh dan a ni,” a ti bawk.