Company-ah thlen tum

All Mizoram Petroleum Dealers’ Association (AMPEDA) chuan nimin khan Aizawl Press Club-a thuthar thehdarhtute kawmin tunhnaia Mizoram-a tuialhthei phurtu chesual leh kang zui ta chungchangah lirthei khalhtu kha a rui ngei ni-a an hriat thu sawiin, vanduaina kha lirthei khalhtu inthlahdah vang liau liau-a thleng ni-a a lan avangin Company lamah thil awm dan thlen an tum tih a sawi a. Tuialhthei phur chesualah a tuialhthei phurh lo lak chu mimal bungrua dan lova laksakna a nih avangin thubuai awrh theihna a ni tih sawiin, kangmei awlsam taka chhuah theihna a nih avangin tun tuma thil thleng chu mipui ten inzirna atan hmang se an duh thu an sawi bawk. AMPEDA chuan tuialhthei kangral ta kha cheng nuai 20 man vel a nih thu leh lirthei kha nuai 35 chuang man niin an sawi bawk.