Vawiin atangin International Tourism Mart nei dawn

Tun thla ni 19 thleng awh tur Tourism Kutpui International Tourism Mart (ITM) chu Vawiin hian Aizawl-ah neih tan a ni dawn.

Aizawl in a thlen tur International Tourism Mart (ITM)  chungchangah hian nimin khan Tourism Minister Robert Romawia Royte chuan a Pisa-ah h thuthar thehdarhtute kawmin,.ITM hi North East India State ten Tourism lama hmasawnna an neih theihna tura Ministry of Tourism, Govt. of India leh a thlengtu State ten kum 2013 atanga an huaihawt thin a ni a. ITM huamchhungah State hrang hrang Arunachal Pradesh, Assam, Manipur, Meghalaya, Mizoram, Nagaland, Sikkim, Tripura te bakah State hrang hrang atangin Tourism Service Providers te an tel thin thu a sawi bawk.

Tourism Minister chuan ITM hmasa ber chu Janury 2013 khan Guwahati, Assam ah neih a nih thu sawiin, hemi hnu hian harsatna a awm a nih loh chuan State hrang hrang ten an inthlen chhawk thin a. North East State dang ten an thleng vek tawh a, State thenkhat phei chuan an thleng nawn tawh zawk a ni.

Kumin ITM hi AR Ground, R. Deng-thuama Hall, Raj Bhavan leh Reiek Tourist Resort-ah te hman tura ruahman niin Vawiin chawhma dar 10:30 hian Mizoram State Mega Exhibition chu AR Ground-ah mipui tana huaihawt tum niin Commerce and Industry Minister Dr. R. Lalthangliana chuan a hawng dawn a, November ni 17 zan dar 6:30-ah G. Kishan Reddy, Union Minister of Tourism in ITM hi R. Dengthuama Hall-ah a hawng bawk ang. ITM atan hian sawrkar laipui-a Ministry of Tourism chuan cheng nuai 430 vel a ruahman a, hemi bakah hian Mizoram sawrkar chuan cheng nuai 200 vel a ruahman bawk a ni.

Comments

Popular News (Last 30 Days)

LPG man bithliah thar