Union Minister in Mizoram a rawn tlawh mek

Union Minister of State for Agriculture and Farmers Welfare Kailash Choudhary chuan, “Hmarchhak State-a hmasawnna a awm loh chuan India ram hmel lan dan a kim lo a ni,” a ti.

Nimin-a Aizawl rawn thleng Union Minister of State for Agriculture and Farmers Welfare Kailash Choudhary hian nimin khan Aizawl-a BJP Office-ah thu sawiin Mizoram-a a lo kal chhan chu NE States te tan hmasawnna chanchintha au chhuak turin a nih thu leh Prime Minister Narendra Modi-a’n NE State a ngaih pawimawh em avangin Union Minister-te chu NE State-a hmasawnna a lo thlenna tur leh Party Worker-te tihchakna kawnga hmalakpui a, Mizorama miretheite’n PM Scheme hrang hrang kaltlanga Central Sawrkar atanga malsawmna an dawn theih nana lo kal a nih thu a sawi a. Mizoram-ah BJP Sawrkarna a lo awm hunah chuan State dang te hmasawnna kan hmuh ang hi kan nei ve thei dawn nia sawiin, chumi ti tur chuan Mizoram mipuite pawh BJP hnathawh leh hmalakna te zirchianga thawhpui theuh turin a sawm bawk.