Union Minister in Mizoram rawn thleng

Union Minister of State for EF&CC and Consumer Affairs, Food and Public Distribution, Ashwini Kumar Choubey chuan nimin khan Mizoram a rawn thleng.

Union Minister hi Supply Minister K. Lalrinliana’n Lengpui-ah lo hmuakin Raj Bhavan a pan nghal a. Hemi hnu hian Mizoram BJP Office, Atal Bhawan, Aizawl-ah Mizoram BJP hruaitute leh Party mipuite a bawk a ni. Union Minister chuan India ram khawchhak lama State hla pawl, khawchhak lama India ram intanna zinga mi a tlawh thei chu a lawm thu a sawi a. Covid hri len laiin Health changtu Minister a nih thu leh India ram mai bakah ram hrang hrang pawhin an tuar thu a sawi a, India-ah chuan Prime Minister Narendra Modi-a kaihhruaina hnuaiah tha takin Covid do a ni a, Covid do tura mi inpe tam tak te Prime Minister pawhin a hriat thu leh an chunga a lawm thu a sawi a ni. Minister chuan Union Minister ten hmarchhak an tlawh fo chhan chu Prime Minister-in tlawh tura a tih vang a nih thu leh kum 75 chhunga ngaihsak hlawh tawk lo te chu ngaihsaka an harsatna hriatsak a duh a ni, a ti bawk.