Ruihhlo do-a hmalakna thlirho

Nimin khan Champhai-ah District Level Narco Coordination Centre (NCORD) Committee chu thukhawmin an District chhunga ruihhlo dona kawnga hma an lak dan thlirho a ni.

Nimin a thutkhawm ah hian Champhai DC James Lalrinchhana chuan Champhai District-ah ruihhlo do kawnga thawhhona tha tak a awm thin chu fakawm a tih thu sawiin, ramri depa awm Champhai District chu ruihhlo tawlhna kalkawng bulpui ber anih avangin tha thlah lova tanrual reng a ngai a ni, a ti a. Tunhnaia hlawm lian pui puia ruihhlo tawlhruk man anih thu pawh sawiin, ruihhlo do nana thahnemngai taka tha thawhtute chhuanawm a tih thu a sawi bawk.

He huna tarlan anih dan chuan January ni 1, 2022 atanga November ni 21, 2022 thlengin Champhai District Police-ten ND&PS Act, 1985 hnuaiah thubuai 80 an ziaklut a, mi 104 man niin heng zinga 27 te hi ramdang mi an ni a. Heroin hawng 2,102.23/gram 27,329 (kg 27.329) man niin, tualchhung market-a a hlut zawng cheng nuai 630.67 a ni a. Methamphetamine mum 8,18,500 (kg 84.05), a hlut zawng cheng nuai 1,637 hu bakah Pseudoephedrine mum 1,80,000 (kg 28.80), cheng nuai 126 hu an man bawk. Ruihhlo an man zawng zawng hlut zawng hi cheng nuai 2,393.67 hu a ni.

Excise & Narcotics Department Champhai te'n ND&PS Act, 1985 hnuaiah thubuai 54 ziaklutin mi 60 an man a, heng zinga mi 17 te hi ramdang mi an ni. Heroin kg 8.614, tualchhung rate-a cheng nuai 103.37 hu, Methamphetamine mum 4,65,700, cheng nuai 1,397 hu, Pseudoephedrine mum 8,896, Rs. 53,396 man, Ganja kg 3.2, Rs. 3,840 man leh Alpra-zolam mum 218, Rs. 2,180 hu an man bawk a. An man zawng zawng hlut zawng hi cheng nuai 1,501.06 vel a ni.

Comments

Popular posts from this blog

Tukverh-a tlasual boral