Serchhip District-a Zirna In thlanbik-ah Skill Building Programme kalpui tura hawn a ni
District Skill Committee Serchhip District leh International Business Machine (IBM) te tangkawp in an kalpui tur Skill Building Programme hawnna ah hian District Bawrhsap Nazuk Kumar chuan tunlai khawvelah Information Technology lama thiamna a sang tawh em em tih sawiin, heng te hi a hmang tangkai thiam tan chuan mahni awm hmun atang pawhin thiam bik nei thei tura inzir nan tangkai taka hman theih a nih tawh thu a sawi a. Chumi rahbi atan chuan he programme hi ruahman a nih thu leh zirlai te pawhin an hmalam hun atan an hman tangkai ngei a beisei thu a sawi a, he hun a tel zirlaite chu an thil zir tur te tha taka zir tur leh tangkai pui ngei tura a duhsak thu a sawi bawk a ni.
Nimin-a he hun hman hi Minstry of Skill Development atanga rawn kal Vikash Walke chuan kaihruaiin District Skill Committee hian thalaite tichaka, thiamna tak tak an neih theih nana pui turin thawhpui tha tak tak an neih thu leh chung zinga pakhat chu IBM te nen CSR hmanga hma an lakna hi a nih thu a sawi a. A thawh khatna atan School pali thlangin, zirlai naupang 500 velin an chhawr tangkai dawn a. Zirlai naupangten online free course za chuang Mobile Phone hmangin an kalpui thei dawn a, aAn zir zawh hnuah khawvela Software siamtu company lian ber IBM ten Certificate an pe ang a, hna an hmuh theihna kawngah chu chuan nasa takin a pui dawn niin a sawi.
He hunah hian Resource Person atan Subha, IBM Build chu hman niin zirlaite chu Skill Building chungchang zirtirna a pek bakah IT khawvela thiamna an neih theihna turin Mobile Phone hman tangkai dante a taka entirin zirtirna a pe a. Marian High School-a hun hman zawh hnu chawhnu lamah Brilliant Higher Secondary School Serchhip-ah hun hman leh niin Vawiin hian Eklavya Model Residential School (EMRS) leh Marian High School-ah chhunzawm leh a ni dawn a, naktuk-ah Jawahar Navodaya Vidyalaya, Thenzawl-ah hun hmang lehin zawhfel a ni ang.
Comments
Post a Comment