Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Ralna sum Rs. 30,000 hlan

Pathianni-a Bungtlang atanga Serchhip damdawi In an pan laia boral VL. Rawna Hnamte (57), Bungtlang chhungte hnenah NHIDCL chuan nimin khan ralna Rs. 30,000/- an hlan.

Pathianni khan VL. Rawna Hnamte hi damlohna avangin an khua (Bungtlang) atangin Serchhip Damdawi In rawn panpui a ni a, NH. 54 laih-zauh hna thawh mekah lung hal a nih avangin kawnglak ah rei tak an khawtlai hnuah Dawngzawl atanga Lengte kaltlanga Serchhip panpui a nih laiin a boral zui ta a ni.

Hetianga kawng laih avanga an tang-khan laia boral a nih avang hian Serchhip Sub-Hqrs. YMA hruaitute chuan thuneitute dawrin he thil thleng chungchang hi hrilh an ni a, NHIDCL te chuan kawng laih avanga harsatna lo awm dan te an sawi hnuah mitthi ralna atan hian Rs. 30,000/- chu nimin khan VL. Rawna Hnamte chhungte hnenah hian an hlan a, ralna sum hi SGI Company-a Engineer Ayush Tiwari Chandan chuan a hlan a ni. Nimin-a ralna hlanna hunah hian Serchhip Sub-Hqrs. YMA President Kawl-thuama pawh kalin hemi chungchanga an hmalakna te a sawi a, Bungtlang-a YMA hruaitu ten an lo tawiawm bawk a ni.

Comments

Popular News (Last 30 Days)