President rawn zin dawn

Mizoram-a zan khat riak turin Vawiin hian India President Droupadi Murmu-i chuan Aizawl a rawn tlawh dawn.

Ruahman lawk ang chuan President atana thlan a nih hnuah Mizoram a rawn tlawhna hmasa ber ni tur hian Droupadi Murmu hi Vawiin chawhnu dar 1:50-ah Lengpui Airport-ah a lo tum dawn a, Lengpui atang hian Helicopter hmangin Mizo-ram University Convocation vawi 17-na hmanpui turin Tanhril-a MZU Campus a pan ang a, MZU Convocation a hmanpui zawh hian Mualpui a Govt. Aizawl College Building thar te, Pachhunga University College-a Post-Graduate Academic Building te, MZU Schedule Tribe Girls Hostel te, Sairang a Schedule Tribe Girls Hostel leh IIMC Campus tharte a hawng nghal dawn a ni.

President hi zanin hian Raj Bhavan-ah a riak dawn a, a pual hian zan dar 7:00 atangin Cultural Programme buatsaih a ni dawn a, naktuk Zirtawpni chawhma dar 10:30-ah Mizoram Legislative Assembly thutkhawmna hmanpuiin thuchah a sawi dawn a, hemi hnu hian Mizoram a chhuah san leh nghal dawn a ni.