COVID-19 hri kai enkawllai mi 27 la awm

Nimin tlai thleng khan Mizoram-ah COVID-19 hri kai mi 27 enkawl an la ni. Nimin khan Mizoram-ah Sample 277 enfiah atangin COVID-19 hri kai mi 7 hmuh belh an ni a, nimin khan hri kai zingah mi 13 te chu anmahni enkawlna hmun atanga chhuahtir an ni ve leh bawk. Heti hian nimin tlai thleng khan Mizoram-a COVID-19 hri kai hmuh tawh chu 2,38,817 niin an zinga 2,38,064 te chu enkawl dam an ni tawh a, hri kai enkawllai mi 27 la awmin hri kai zingah mi 726 an boral tawh bawk a ni. Hri kai enkawllai la awm te hi Aizawl District-ah 17, Saitual District-ah 4, Lunglei District-ah 3 leh Champhai, Khawzawl leh Serchhip District-ah mi pakhat theuh an ni.