Pandal sak hna ngawrh zel

Serchhip khua in tun thla ni 18 atanga India Eastern Territory Salvation Army Youth (SAY) Congress vawi 26-na a thlen tur atan Inrinni khan Pandal-ah hnatlang runpui neih a ni.
Tun thla ni 18-20 chhunga India Eastern Territory Salvation Army Youth (SAY) Congress vawi 26-na  neihna tur atan hian Serchhip P&E Veng Leisekawt Mual-ah Pandal sak hna ngawrh taka thawh mek niin Salvation Army bakah Kohhran dang atang pawhin mi engemaw zatin hnatlang in hna hrang hrang an thawk mek a, tunah hian inkhawmpui neih hmain ni 10 vel chauh hun a awm tawh avangin chhun leh zan-ah ngawrh takin hnatlang hi neih mek zel a ni. 


Inrinni khan Salvation Army Corps hrang hrang Serchhip leh Aizawl bakah khaw hrang hrang atangin hnatlang an awm a, heng bakah hian Serchhip atangin Serchhip Vengchung Pastor Bial KTP, Serchhip Bial Kohhran Pavalai Pawl, Baptist Mipa Pawl (BMP) Ser-chhip Unit, Thalai Kristian Pawl (TKP) Serchhip Unit leh TKP Ebenezer Unit te an hnatlang bawk a. Tunah hian Pandal chhung chei hna hrang hrang thawh mek niin In chhung lama Eng pekna tur te pawh thawh mek a ni bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar