Keitum leh Khûmtung inkâr kawng siamtu Kram Infracon Private Ltd. leh an hnathawhna atana lung an lâkna Thêntlâng khawtlâng inkâra harsatna awm avanga hun engemaw chen an hna a khaihlak chungchangah Central YMA hnuaia NHIDCL Monitoring Team-te chuan Inrinni khan Thentlang khua hi tlawhin remna a awm theihna turin hma an la a. He hunah hian Serchhip Sub-Hqrs. YMA hruaitute bakah Tawitlang Group YMA hruaitute pawh telin Kram Infracon Pvt. Ltd. aiawhte leh Thentlâng khawtlang hruaitute hi an kawm a, harsatna awm te ngaihthlak a nih hnuah kum hnih (2) chhung daih tur inremna lailawk an ziak a ni.
Inremna lailawk an ziah ang hian Thentlâng khawtlang hruaitute hian an khaw ram-a Lung lak an phal sak a, Company pawhin khawtlang hruaitute duh dan zawm intiamin, hna an thawk chhunzawm leh thei dawn ta a ni.
He hunah hian Central YMA hruaitute thu rawn angin Serchhip Sub-Hqrs. YMA hnenah Kram Infracon Pvt. Ltd. hian an CSR Fund atangin Ambulance an pek tur thu an sawi bawk a ni.
Comments
Post a Comment