MYC online Job Portal tih changtlun dan tur sawiho

Mizoram Youth Commission (MYC)-in an siam online Job Portal tihchangtlunna atan thil tul te chu niminpiah khan sawiho a ni.

Hemi chungchanga sawrkar thuchhuah tarlan danin Mizoram Youth Commission in an siam online Job Portal (hnainpui.com) chu Mizoram chhung mai ni lo, State pawn lamah pawh ngaihven a hlawh hle a, NEC Shillong pawhin Job Portal hi zirchiangin Mizoram mai nilo, North East State zawng zawnga hman a nih theihna turin upgrade that an duh thu an sawi a. Hemi chungchangah hian niminpiah khan Tanung Jamoh Director, Science and Technology NEC, Shillong chu Aizawl ah lokalin MYC Chairman Dr. Vanlaltanpuia hovin MYC Conference Hall-ah online Job Portal upgrade-na tura thil tul te an sawiho a ni.

MYC Chairman Dr. Vanlaltanpuia MLA chuan MYC Job Portal chu State chhungah hman tangkai mek niin a hmangtu pawh an thathnem thu leh College hrang hrangah pawh a hman dan inzirtirna hun hman zel a nih tur thu a sawi a. Tanung Jamoh, Director Science and Technology NEC Shillong pawhin hetiang Software tha leh hman awlsam MYC in a duangchhuak chu tha a tih thu a sawi a, North East pumpui a hman anih theih nan a tul ang ang sum senso tulah pawh NEC a inkau tih a sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar