MP (LS) in CGE hotute Union Minister a hmuhpui

Mizoram Lok Sabha MP C. Lalrosanga chuan nimin khan Consortium for Global Education, United States hotute chu Union Minister of State for Education and External Affairs Rajkumar Ranjan Singh hmuhpuiin Zirna lama India leh United States thawhhona zau zawk a awm theih dan tur kawngte an sawiho.

He sawihonaah hian America a University hrang hrang hotute telin Consortium for Global Education President Dr. Carolyn Bishop-in a ho a. Minister of State for Education chuan National Education Policy hman tan mek a nih dan te sawiin, Digital University din tum mek a ni tih a hrilh bawk.

Hemi hma hian Lok Sabha MP hian Rajkumar Ranjan Singh chu a hrana kawmin Mizoram leh Manipur-a Myanmar atanga bungraw tawlhluh mek a nih dan te a sawipui hmasa tawh a. Dan kalha kuhva leh bungraw thenkhat tawlhluh ruk thin chu sawrkarin a ngaimawh thu sawiin, hemi chungchang hi a hrana ngaihtuah zui nise a ti. Lok Sabha MP chuan Myanmar atanga raltlan lolut te chhawmdawl chungchang leh KMMTTP kawng chungchangte a sawipui bakah Mizoram District hrang hranga Kendriya Vidyalaya leh Jawahar Navodaya Vidyalaya din tul a tih thu te pawh a sawipui bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man