Mizoram-a PMJVK kalpui dan leh a dinhmun Union Minister of State hova thlirho a ni

/

Mizoram-a Pradhan Mantri Jan Vikas Karyakram (PMJVK) kalpui dan leh a dinhmun hrang hrang sawihona chu Inrinni khan Union Minister of State for Minority Affairs John Barla hovin neih a ni.

Secretariat Conference Hall, Aizawl-a Mizoram-a PMJVK kalpui dan thlirhona hunah hian District Council Affairs & Minority Affairs Department hotute chuan Mizoram in Pradhan Mantri Jan Vikas Karyakram(PMJVK) kaltlanga sum a hmuh zat te, hmasawnna hna hrang hrang thawh mek dinhmun leh project pawimawh zual engemaw zat chanchin te tarlangin, harsatna an tawh mek chungchang, a bik takin hna thawk tur Directorate an neih loh te, Administrative cost pek an nih loh te, thawktu indaih loh vanga Geo Tagging lamah an hnufum bik thu te an sawi a ni.

Presentation a ngaihthlak hnuin Union Minister of State John Barla chuan harsatna an tawh mek te chu a thei ang anga Ministry lama Secretary sawipuia chinfel dan kawng a zawnpui tur thu a sawi a. Hetiang harsatna te hi a hmuna lokal loh chuan a hriat theih a nih loh thu sawiin, a zin chhan pawh harsatna awm te chinfelpui te, project te dinhmun hriatchian a duh vang a nih thu a sawi a. A hun taka sum an hmuh theih nan a hun taka sum hman nemnghehna lehkha (UC) te chu Ministry lamah thehlut vat thin turin a chah a ni.

PMJVK hi tunhma chuan Social Welfare & Tribal Affairs Department in an enkawl thin a, kum 2020 atang khan District Council & Minority Affairs Department in he Subject hi changin an enkawl tan a ni. PMJVK Project lian tham thenkhat Mizoram-a thawh mek te chu cheng nuai 3286.4 man Residential School Mamit te; cheng nuai 3461.70 man Residential School Lawngtlai te, cheng nuai 3430.70 man Residential School Lunglei te; cheng nuai 3286.34 man Residential School West Phaileng te leh cheng nuai 4496.88 man District Sports Complex Mamit te a ni. Hei bakah hian ICT Department thawpuina in High School engemaw zat ah Smart Classroom dah turte a ni bawk a. Tuidam leh Chawngte a phullem phah hna thawh pawh PMJVK hnuaia thawh a ni bawk.

Union Minister hova thutkhawm ah hian MLA Dr. BD. Chakma bakah Secretary, District Council & Minority Affairs Dr. Lalrozama; Secretary, Transport (tunah Social Welfare & Tribal Affairs Link Officer) KT. Beichho leh DC&MA leh SW&TA Officer dangte an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »