Leilung nghenga eizawnna hmanga State economy hausakna tur tham potential Mizoram in a nei - Chief Minister

October 25, 2022-a Tualte Tomato Festival hawnna an neih chu nimin khan a kharna neiin he hun hmanpuitu Chief Minister Zoramthanga chuan leilung nghenga eizawnna hmanga State economy hausakna tur tham potential Mizoram in a neih thu a sawi.

Tualte Tomato Growers' Co-operative Society Ltd. leh Horticulture Department tangkawpin an buatsaih Tualte Tomato Festival kharna Aijal Club-a neih ah hian Chief Minister Zoramthanga chuan Tualte Tomato Growers Co-operative Society Ltd. in hlawhtling taka Tomato an tharchhuak chu lawmawm a tih thu sawiin, Cooperative Society a indin a, an tumruhna rah tha hmuh tur a awm chu fakawm a tih thu leh Cooperative Society pawimawhna an pholang tha hle nia a hriat thu a sawi a. Kuthnathawktute atanga bultan in, Society ah insiam a hmalakna hi hmasawnna atan a pawimawh thu leh a ngelnghat zawk thu a sawi a. A tul apiangah sawrkar chuan ruahmanna siam sakin a puih zel tur thu a sawi a. Mizoram hmun dang dangah pawh hetianga hmalakna hi hmuh belh zel theih ni se, a ti bawk.

Chief Minister chuan leilung nghenga eizawnna hmanga State Economy hausakna tur tham potential Mizoram in a neih thu a sawi a. Chumi atan chuan tam tham tak a tharchhuah te, a remchanna apiang khawl hman te a nih thu a sawi a. Thlasik thlai thar theih nana ruahtui khawl pawimawh thu te an sawi bawk a ni.

Kum 2018 khan Tualte khuaah KVK, Khawzawl-in a chin hun pangngai kher lovah pawh (off-season) Tomato variety thlan bikte hmangin Tomato a chin theih a ni tih enchhina (trial) hlawhtling tak an neih hnu kum 2019 atangin Horticulture Department chuan mi tam zawkin an chin theih nan hma a la chho a, tunah hian Tomato chingtu chhungkua 223 awmin kum 2019 hnu lamah Tomato hralhna atangin cheng nuai 600 chuang an lalut tawh a ni.

Tualte khuaah hian Tomato variety chi hnih, hmun Zo leh sang deuh lama kumtluan deuhthaw a chin theih te chin niin Tomato Sauce/ketchup te siam tel zelin, mipuite lei theih turin tunhnai mai khan chhawpchhuah a ni bawk.

Comments

Popular News (Last 30 Days)

LPG man bithliah thar