Lawng chesual-a tui a tla ruang hmuh a ni

Zirtawpni tlai lam dar 3:30 vela an chuanna Lawng chetsual vanga tuia tla Lokhiloda ruang chu nimin zing dar 9:32 vel khan a tlakna atanga metre 100 vela hla Pahehli suarah len dengin an hmu.

Tlabung Sub-Division huamchhung Sumasumi khuaa kum 65 mi Lokhiloda Chakma hi Zirtawpni tlai khan a fapa khalh Lawng-a an chuan laiin Khawthlangtuipui-ah chesualin tuiah a tlahlum a, mi tlawmngai ten ngawrh taka an zawn hnu a ruang hi hmuh a ni ta a ni.

Tlabung atanga thudawn danin Zirtawpni khan Khawthlangtuipui-ah hian Lawng panga a chesual a, an zinga pahnih chu Tuikawi an pan laia chesual niin, vanneihthlak takin he lawnga chuang mi 7-te chu an him vek a, Ugdasury leh Samuksury pan lawng pakhat ve ve a chesual bawk.