Kuhvarah chungchang Prime Minister-ah thlen

Hachhek bialtu MLA Lalrindika Ralte chuan a bial chhung leh Mizoram khawthlang lama Kuhva chingtuten Kuhva rah hralhna kawnga harsatna nasa tak an tawh chungchangah hma la turin nimin khan Prime Minister hnenah Memorandum a thehlut.

PMO Application PMINDIA hmanga Memorandum a thehluh ah hian Lalrindika Ralte chuan Hachhek bial chu Mizorama kuhva tharchhuak tam ber a nih thu leh a bial mipui zaa sawm sarih (70%) bawr vel zet chu Kuhva chinga ei zawng an ni tih a sawi a. Tunhnaiah Myanmar atangin Kuhva ro alo lut nasa in Union Home Ministry meuh in rawlhin dan lova Kuhva a sumdawnna chu titawp turin Mizoram leh Manipur sawrkar a hriattir a. Heti chung hian Kuhva tawlhruk titawp tura Mizoram Sawrkar hmalakna chuan beisei a pha lo hle a, dan lo a kuhva sumdawnna hi Vawiin thlenga tih tawp a la nilo a ni, a ti.

Hetih mek lai hian Assam sawrkar chuan Myanmar Kuhva an State chhunga lut tur chu khauh taka an ven thu leh hemi an venna kawngah hian Mizoram chhunga thar Kuhva rah te chu Myanmar atanga lokal anga ngaiin an dang ta vek tih pawh tarlangin, “Hetiang a nih avang hian Mizoram-a Kuhva chingtute chuan an Kuhva chin an hralh thei ta lo a ni,” tiin Myanmar atanga Kuhva tawlhruk titawp tura chak zawka hma la tur leh Mizorama Kuhva chingtuten an Kuhva rah tharte an hralh theih nana hma lak sak turin Prime Minister chu a ngen a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man