YMA Football Tournament khelh mek khaihlak

Serchhip Sub-Hqrs. YMA buatsaih Inter-Branch YMA Football Tournament chu Inrinni khan Quarter Final khelh zawh theih a ni ta lo.
Inrinni-a inkhel hmasa berah Chhingchhip Veng-hlun Branch in Serchhip Chanmari Branch chu penalty shoot-out hmangin 4-2 in an hneh a, Chanmari Branch hian Felix Lalruatsanga goal hnih khung hmangin hma hruai hmasa mah se Lalruatmawia leh Zairemthanga te goal khung hmangin Chhingchhip Venghlun Branch in an si phurh an sut a, hun tawp thlenga goal dang a luh zui loh avangin penalty hmangin a chak zawk zawn niin Chhingchhip Venghlun hi 4-2 in an vannei ta zawk a ni.

Inkhel vawi hnihna ah Serchhip Veng-chung Branch leh Serchhip Kawnpui North Branch te inhmachhawnin hun chanve-ah 3-1 in S. Vengchung Branch ten hma an hruai a, Second half-ah engemaw avanga Official ten inkhel an chhunzawm pui theih tak loh avangin match khelh zawh theih a ni lova, a hnua S. Hmar Veng Branch leh Neihloh Branch inkhel  tura ruahman pawh khelh theih a ni ta lo bawk a ni.