Football-ah Serchhip District Team te chak zo lo

Siaha-a Inter-District Senior Women's Football Championship 2022 khelh mekah nimin khan Serchhip District Team te chuan an match hnihna khelin Mamit District nen goal khat ve ve inpe in an inhnehtawk a, Mamit District hian minute 67-na ah goal khung hmasa in minute 70+1 ah Zothansangi chuan Serchhip District si phurh sutna goal a khung a ni.

Inter-District Senior Women's Football Championship khelh mekah hian Group Stage hi minute 35+35 khelh a ni a, Serchhip District hi an match hmasa berah tlawmin an match thumna chu Vawiin chawhnu dar 1:00 hian an khel leh nghal dawn a, Lunglei District nen an inhmachhawn dawn a ni.