EMRS building sak mek Deputy Speaker in a tlawh

Tlungvel-a Eklavya Model Residential School (EMRS) sak mek chu nimin khan bialtu MLA leh Assembly Deputy Speaker Er. Lalrinawma chuan a hmunah a tlawh.
EMRS sak mek a tlawhna ah hian Deputy Speaker chuan hetiang Project lian leh hlu tak mai a bial chhunga dahtu sawrkar chungah lawmthu sawiin, Tlungvel khawtlang in phal taka ram an lo pe chu lawmawm a tih thu a sawi bawk a. He zirna In tha tak mai hi Tlungvel leh a chhehvel khuate tan mai ni lovin Mizoram tana thil hlu leh rotling a ni, a ti a. A satu Contractor te chu an mawhphurhna pawimawhzia hriaa, tha leh mittlung taka sa turin a chah a ni.


Tlungvel-a Eklavya Model Residential School Building sak hna hi V. Lalengzauva chuan a thawk a, cheng vbc. 24 ruahman niin thla 24 chhunga sak zawh tura tih a ni. Deputy Speaker hi Lalthangkima, AE, SW&TA, Banhyafea Lalrinhlua, JE, SW&TA leh khawtlang hruaituten an tawiawm a ni.

Comments

Popular posts from this blog