Electric man vanga mi 3 thihna ah FIR thehluh rel

Paithar Group Young Lai Association (YLA) leh Paithar tlang dung VC Association te chuan October 14, 2022-a Electric Current man vanga Rulkual khaw mi pathum thihna leh midang pahnih hliam an tawrh chungchangah nimin khan Power & Electricity Lawngtlai Division leh Lawngtlai SP Office te hmuin vanduaina thlen chhan kimchang taka chhui chhuah a nih theih nan FIR thehluh that leh nise an ti.

Thudawn danin P&E Lawngtlai Division-a EE Laldawngliana chuan Paithar tlangdunga Bung-tlang South Power lakna hruipui kaltir chu Sawrka rin KMMTTP kawngpui kamah sawn a rem tih thu leh Survey neiha, Detail Project Report siam turin hmalakna kalpui mek a nih thu khawtlang hruaitute hi a lo hrilh a, zangna-dawmna chungchang ah vanduaina tawktu lam ten thil pawimawh tihfel ngai an neihte an tihfel hnuah Department chuan theihtawp chhuaha an lo bawhzui tur thu a sawi a, hliam te pawh an dinhmun an ngaihven reng thu EE chuan a sawi bawk a ni.

Paithar Group YLA hruaitute leh Pai-thar tlangdung VC Association te chuan line siam a nih lai atanga vanduaina a thlen an lo hlauhthawn tawh thu leh thuneitu lamah pawh vawi engemaw zat an sawi tawh Sawrkarin ngai pawimawh a hmalakna kalpui a tum chu lawmawm an tih thu an sawi bawk.

Hei bakah hian October 14, 2022 a Power line chhia siama hnatlang-a thawkchhuak Rulkual khaw mi pathum in nunna an chan phah chungchanga Lawngtlai SP nena an inbiakna ah khawtlang hruaitute chuan he vanduaina thlen chhan kimchang taka chhuichhuah a nih theih nan Police te hnenah FIR thehluh that leh nise an ti bawk.

Comments

Popular News (Last 30 Days)

LPG man bithliah thar