Dan lova Silai kawl khap

Serchhip District-ah Dan lova Silai kawl leh ramsa leh Sava te veh khapna thupek tihchhuah a ni.

Hemi chungchanga Serchhip District Magistrate Lalmuansanga Ralte in thupek chhuaha a tarlan danin tunlai hian Mizoram chhungah dan lova silai kawl an awm tih hriat a nih thu leh Sava leh ramsa chi hrang hrangte silai/sai-rawkherh leh a dangte hmanga veh an ni thin tih hriat a ni tih a tarlang a. Ram chhunga Sava leh ramsa te an lo chereu mai loh nan leh humhim an nih theih nan Sec. 144 Cr.PC, 1973-in thuneihna a pek angin Serchhip District chhungah dan lova silai kawl khap tlat a nih thu leh ramhnuaia Sava leh ramsa te Silai/Sairawkherh leh a dangte hmanga veh/kah/pelh khap tlat a ni tih a tarlang a ni. He thupek hi Nov. 2, 2022 atanga thla hnih (2) chhung huam tur niin thupek zawm lo te chu Sec. 188 IPC hnuaiah dan hmangin hrem an ni ang tih a tarlang bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar