Hri kai mi 2 hmuh belh

Nimin tlai thleng khan Serchhip District-a COVID-19 hri kai enkawl chhinchhiah mi 3 an awm mek.

Nimin khan Serchhip District-ah COVID-19 hri kai chhinchhiah thar mi pahnih awmin heng mite hi Ramlaitui khua atanga hri kai hmuhchhuah ve ve an ni a, heng mi te nen hian Serchhip District-a COVID-19 hri kai chhinchhiah tawh chu 14,614 niin nimin-a hri kai enkawl dam chhinchhiah belh an awm lova, hri kai hmuh zinga 14,575 te enkawl dam ni tawhin hri kai hmuh atanga chhutin za zela 99.73 te enkawl dam an ni tawh a, hri kai enkawllai mi 3 awmin Ramlaitui khua ah mi pahnih leh Ngentiang khua ah mi pakhat te an ni. Serchhip District atanga COVID-19 hri kai hmuh te zingah mi 36 in nunna chan tawhin, hmundang a hri kai hmuh te nena chhut chuan Serchhip District-ah hri kai boral mi 40 an awm tawh a ni.