Vawiin-ah Quarter Final khel tan dawn

Serchhip Sports Complex-a Inter-Branch YMA Football Tournament khelh mek chu Vawiin hian Round of 16 khelh zawh a ni dawn a, Quater Final Match hmasa ber khelh nghal a ni bawk ang.

YMA Branch 32 te inelna Inter-Branch YMA Football Tournament khelh mekah hian nimin khan Round of 16 khelh chhunzawm leh niin inkhel hmasa berah Chanmari Branch YMA in Chhiahtlang Kawn Veng Branch YMA chu 2-1 in an hneh hram a, Chhiahtlang Kawn Veng Branch hian Lalhlimawma goal khung hmangin hma hruai hmasa mah se Chanmari Branch tan Remruatfela leh Felix Lalawmpuia te chuan goal khung zuiin 2-1 in an lehthal a ni.

Inkhel vawi hnihna ah Vengchung Branch YMA in Serchhip Chhim Veng Branch YMA chu si thum faiin an hneh bawk a, Serchhip Vengchung Branch YMA tan Lalruatkima, Lalruatdika leh Lawmfamkima te chuan goal khat theuh an khung a ni.

Nimin-a inkhel hnuhnung berah Serchhip Kawnpui North Branch in Thenzawl Bazar Branch chu 3-1 in an hneh bawk a, S. Kawnpui North Branch tan Lalhunthara, Zomuansanga leh C. Lalsawmkima te chuan goal khat theuh khungin Thenzawl Bazar Branch tan Lalawmpuia chuan goal khat a khung a, Serchhip Vengchung Branch leh S. Kawnpui North Branch te hi Quarter Final-ah an inhmachhawn ang.

Vawiin hian Match hmasa pahnih ah Round of 16 khelh a ni dawn a, Match hnuhnung berah Quarter Final match khelh a ni bawk ang.

Vawiin-a inkhel turte :

S. Hmar Veng Branch Vs S. Field Veng Branch (10:00)

Keitum Branch Vs Neihloh Branch (12:00)

New Serchhip Venglai Br. Vs Piler Branch (Q/F) (2:00)