Bank 24-ah Branch 239 awm

Mizoram-ah Bank 24 awm mekin Babk Branch 239 a awm mek.

Nimin-a State Level Bankers` Committee (SLBC) thutkhawm Secretariat Conference Hall, Aizawl-a neih a tarlan a nih danin kumin September thla tawp thleng khan Mizoram-ah Bank hrang hrang 24 awmin Bank Branch 239 a awm a, heng te hi Public Sector Bank Branch 78; Private Sector Bank Branch 37; Regional Rural Bank Branch 101 leh Co-operative Bank Branch 23 te a ni. Bank hrang hrang ten September thla Quarter tawp thlenga sum an dawn chu cheng vbc. 14,797.16 niin Loan an pekchhuah chu cheng vbc. 8376.85 a ni bawk a, CD Ratio chu 56.61% a ni.

Bank hrang hrang ten Priority Sector a loan an pekchhuah chu he Quarter tawp thleng khan cheng vbc. 4376.67 niin hei hi loan an pek zawng zawng atanga chhutin zaa 52.24 a ni a. Agriculture Loan cheng vbc. 1134.93 pek niin Loan pek zawng zawng atanga chhutin zaa 13.54 a ni bawk a, Micro, Small & Medium Enterprises (MSME) hnuaiah Loan cheng vbc. 2003.16 pekchhuah niin hei hi Loan an pek zawng zawng atanga chhutin zaa 23.91 a tling bawk a. Tun Financial Year 2022-2023 September quarter chhunga Annual Credit Plan (ACP) achievement chu 66.35 % a ni a, Priority Sector bîk achievement chu 37.72 % a ni.

Hethutkhawm hi an Chairman leh Chief Secretary Dr. Renu Sharma IAS chuan kaihruaiin Bank ten CD Ratio kum kalta aia an neih that avangin lawmthu a sawi a, Bank thenkhat, Meeting hnuhnung neih atanga hmasawnna nei lo ten State CD Ratio an tihniam tih sawiin, CD Ratio 20% aia hniam Bank Yes Bank, Axis Bank leh Federal Bank bakah 40% aia hniam Bank 5 (panga) te chu tun sawrkar kum chhunga hma an sawn ngei ngei a ngai tih a sawi bawk.

Comments

Popular posts from this blog