Badminton-ah Serchhip mi 2 thlang

Kum 11 hnuailam te tana inelna, Mini National Badminton Championship 2022 khelh tura Mizoram aiawh tur mi 4 thlanchhuah zingah Serchhip mi pahnih an tel.

Mini National Badminton Championship 2022 (Under-11 Boys & Girls) hi tun thla ni 14 atang 17 chhung hian Noida, Uttar Pradesh ah khelh tura tih a ni a, Mizoram Badminton Association (MBA) chuan MBA Ranking leh Tournament hnuhnung-a player te chet that dan atanga tehin Mipa leh Hmeichhia pahnih ve ve kal turin a thlang a, an zingah hian Abraham Lalnunthara s/o Lalremsiama, Serchhip BC chu telin mipa inelna ah K. Liansangzela, Ramhlun United BC nen an tel dawn a, Hmeichhe inelna ah Lalthakimi d/o Lallianmawia, P&E Veng BC Serchhip pawh tel bawkin Lalnunhluni, Mission Veng Badminton Academy Aizawl nen an tel dawn a. Zosiamliana (Coach) leh Lalnuntluangi (Manager) ten an hruai dawn a ni.

He Tournament-a an tel theih nan hian MBA chuan a tul ang ang buaipuiin Yonex Sunrise in Rs. 13,500/- hu in players tin te hi an sponsor bawk a. Czet in jersey print zawng zawng a thlawnin an tih sak bawk a ni.

Comments

Popular posts from this blog