Aapda Mitra Training zofel

Serchhip District tana Up-Scaling of Aapda Mitra Scheme Training Batch 2-na chu Zirtawpni khan zawhfel niin Serchhip District atangin mi 100 in Training hi an zo ta a ni.
Mizoram sawrkar Disaster Management & Rehabilitation (DM&R) Department leh District Disaster Management Authority (DDMA) Serchhip tangkawp in an buatsaih tun thla ni 14 atanga Serchhip District tana Up-Scaling of Aapda Mitra Scheme Training Batch 2-na hi Chanmari Veng-a Nursing School Building-ah neih niin chhiatrupna chi hrang hrang lo thlen thulha chhanchhuah leh chhawmdawl hna thawh dan hrang hrangte mithiam ten an zirtir a, Zirtawpni chawhnu khan a kharna hun hman niin DM&R Department a Joint Director Zosangzuali chua a rawn hmanpui a, Training chhuak mi 50 te hnenah chhiatna chi hrang hrang lo thlen thulha chhanchhuah leh chhawmdawl hna thawhna tur hmanrua te hlan nghal an ni bawk.

Aapda Mitra hi Mizoram-ah chuan Aizawl District-a Pilot Project kalpui a nih hnuah Serchhip, Lunglei, Mamit, Kolasib leh Champhai District-ah te kalpui a ni dawn a, Serchhip District-a mi 50 te chuan Sept. 15-24, 2022 chhung khan State Training Centre-ah training nei tawhin tunah hian mi 50 bawkin Training hi an zo leh a. Heng mite hi khawtlang ah chhiatna chi hrang hrang a lo thlen changa a tul ang apianga thawka mipuite kaihruai thei tura zirtir an ni.

Comments

Popular posts from this blog