Cricket inelna khel tan

Serchhip District Cricket Association (SDCA) buatsaih Season Opening Tournament chu Inrinni khan DC Playground, Khawtetlang-ah khelh tan a ni.
SDCA hnuaia inziaklut Cricket Club te tana buatsaih Season Opening Tournament-ah hian Club 8 telin Inrinni khan Match khat khelh niin Hmar Veng CC chuan CC Ser-chhip Kawnpui chu Wicket 7 in an hneh a. He inkhel ah hian Toss-a chak CC Serchhip Kawnpui hian vuak hmasak thlangin Over 17.5-ah Wicket hloh vekin run 87 an siam a, Hmar Veng CC te hian hei hi umin Over 12-ah Wicket 3 hloh in an target hi an umphak a, Wicket 7 in hnehna an chang ta a ni. He Match-ah hian HVCC player Kangjam Suraj Singh chu Man of the Match-ah thlan niin Over 4 a vawm-ah run 11 chiah pein Wicket 2 a la a, Hmar Veng CC tan run 51 siamin a tawp thlengin a ding bawk a ni.

He Tournament hi kar tawp lama khelh thin tura ruahman niin Zirtawpni khian khelh chhunzawm tura ruahman a ni.