Zu zawrh kum 4 chhunga chhiah hmuh vbc. 263.61; Zawrh loh hnu kum 4 chhung a hmuh vbc. 6.13

Mizoram-ah Dan hnuaia Zu zawrh a nih chhung, kum 2015-16 atanga 2018-19 chhunga Excise & Narcotics Department (END) in Chhiah an hmuh chu Rs. 2,63,61,58,397 (vbc. 263.61) a tling a, hetihlai hian Zu zawrh tihtawp a nih hnu kum 2019-20 atanga kumin 2022-23 (August ni 31 thleng) chhunga Chhiah an hmuh chu Rs. 6,13,80,871 (vbc. 6.13) chauh a tling pha tawh.
Mizoram-ah kum 2014 khan Mizoram Liqour (Prohibition and Control) Act siam niin, January ni 15, 2015-ah hriattirna chhuah a ni a, March ni 16, 2015 atangin Zu zawrhna dawr hawn tan a ni a, Kum 2018-a MNF sawrkar a din hnuah, an tiam angin Zu dawrte kharin Zu khapna dan siam leh a ni a. Mizoram (Liquor Prohibition), Act chu March ni 20, 2019-ah Assembly House-ah pawm niin, zu khapna kalpuina tura duan, Mizoram Liquor (Prohibition) Draft Rules, 2022 rawtna chu Chief Minister Zoramthanga hova thukhawm Ccouncil of Minister chuan kumin March ni 25 khan an pawm a ni.

Dan hnuaia Zu zawrh a nih lai, kum 2015-16 atanga kum 2018-19 inkar chhungin Excise & Narcotics Department (END) te Chhiah hmuh a tam tham hle a, chhiah hmuh beisei zat pawh hemi hun chhung hian kumtin cheng nuai 3,500 aia tam ni ziahin, cheng vbc. 60 chuang hmuh ziah a ni a. Hetihlai hian Zu zawrh khap a nih hnu kum 2019-20 atangin END chhiah hmuh nasa takin a tlahniam nghal a, hemi kum a chhiah hmuh beisei zat chu cheng nuai 5,940 la nimahse, hmuh zat erawh Rs. 2,72,73,718 chauh a tling a. Hemi hnu a kumtin a Chhiah hmuh beisei zat chu kumin thlengin cheng nuai 100 a ni a, hei hi hmuh tlin loh kum te pawh a awm thin bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar