Tuichawngchhuah atanga sawn te dinhmun thlirho

Dan lova din khua Tuichawngchhuah khua atanga sawnchhuah chhungkaw 49 te dinhmun leh hmalak tul te chu Lunglei District Level Screening Committee on Unauthorized Settlement chuan an ngaihtuah.

Lunglei District Level Screening Committee on Unauthorized Settlement hi Zirtawpni khan an Chairman leh Lunglei DC Kulothungan A hovin a Pisa-ah an thukhawm a, he huna tarlan a nih danin heng chhungkaw 49 te dinhmun zirchiang hian September ni 26 - 29 chhung khan Spot Verification neih niin Lunglei DLAO PC. Zonuntluangi chuan a kaihruai a, LAD thawktute bakah Rural Development, School Education, H&FW leh Tuichawng VCP B. Natun Kumar Chakma leh a thawhpuite an tel a. Dan lova din Tuichawngchhuah khua atanga Tuichawng khua a sawnchhuah chhungkaw 49 zinga chhungkaw 35 chu Tuichawng-ah la awmin chhungkaw dang hi an pemchhuak tawh a ni.

Heng sawnchhuah zinga chhungkaw 17 te hnenah Insak tanpuina PMAY(G) pek tawh niin la dawng ve lo chhungkua te chu pek ve ni se an ti a, naupang pasarih School kal lo/drop out awm te pawh ziahluh leh ngei ni se tiin School Education Department chu mawhphurna pek an ni a. Tui leh Electric Supply an dawn that thu leh Health Department atanga Vaccine, DDT Spray, LLIN Thosilen te pek an nih tawh thu report a ni bawk. Heng chhungkua-te hi MGNREGS ah Job Card nei vekin Family Ration Card pawh siam sak an ni tawh bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man