H&TE Minister in hriselna ngai pawimawh turin chah

Higher & Technical Minister Dr. R.Lalthangliana chuan, “Mihring hi kan hrisel loh chuan sum leh pai ngahin awmzia a nei lo a ni,” a ti.

College of Veterinary Sciences & Animal Husbandry, Central Agricultural University Selesih ten Zirtawpni kaltaa '21st Annual College Week 2022-2023' kharna hun an College Auditorium-a neih a hmanpuina ah he thu hi sawiin Dr. R. Lalthangliana chuan he huna kalkhawmte chu hriselna lama invawng thianghlim turin a chah a. “World Bank-te dawra Japan ram ka kal khan, an damreina chhan ber ka zawt a, exercise lak hi vitamin tha tak a ni tih min hrilh a, ke in an kal tam a, two wheeler leh Motor-te chu tha tak tak nei mahse, an Office leh an hna kalna km 4/5 vel pawh ke in an kal lui zel a, tui hi nikhatah litre 3/4 aia tlemlo an inziah bawk a, chi-al hi an ei tlem hle a ni,” a ti.

College of Veterinary Sciences & Animal Husbandry hi 20th Feb.,1995 khan din a ni a, B.V.Sc & A.H.Degree course chu 1997 khan batch hmasa ber zir theih niin kum 1998 atang khan Slass an tan a, tunah hian BVSc & AH, MVSc leh PhD zirna te awmin Residential College-ah hian Doctor zirlai 440 awmin faculty 53 an awm mek a ni.