Raltlan chungchang US State Department sawipui

USA-a zin mek Central YMA leh Central YLA hruaitute chuan Zirtawpni khan Myanmar atanga Mizoram-a raltlante chungchanga an hmalakna leh tanpuina awm theite Bureau of Population, Refugees & Migration (PRM), US State Department chu Washington DC-ah an sawipui.

He hunah hian Central YMA hruaitu atangin an President R. Lalngheta leh Asst. Secretary Prof. Malsawmliana bakah Central YLA atangin an President HC. Vanlalruatpuia te an tel a. Zo Tum Hmung, Executive Director, Chin Association of Maryland (CAM) leh Matthew Wilch, Advisor to CAM ten an tawiawm bawk a ni.

Central YMA leh Central YLA hruaitute chuan Chin unau raltlante an lo buaipui dan leh Mizo mipuite lo dawnsawn dan te he hunah hian sawiin, chenna tur camp te, ei leh in, thawmhnaw leh eirawngbawlna bungbel an ngaihtuahsak dan te leh Mizo mipuiten YMA kaltlanga tanpuina sum an pek dan zawng zawngte an hrilhfiah a. Mizoram sawrkarin theihtawp chhuaha a buaipui dante an sawi tel bawk a. US sawrkar chu aiawh intira raltlante dinhmun a hmun ngeia hmuhpui ve tur leh tanpuina awm thei ang angte pe ve turin an ngen bawk a ni.

He hunah hian US State Department-a Bureau of Population, Refugees & Migration (PRM)-a Asian Team Leader, Hoa Tran leh member pawimawh dang te telin chuan YMA leh YLA hruaitute hnenah Myanmar atanga raltlante an buaipuina zawng zawng chu ropui a tih thu a sawi bakah lawmthu a sawi a. YMA hruaitute ngenna, raltlante an awmna hmun ngeia tlawh chu tha an tih thu sawiin, aiawh intirh an tum thu a sawi a. Raltlante tanpuina chungchang ah a remchan anga pek dan kawng zawn an tum thu a lo hrilh bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar