Teak leh Thingzai pangngai lakluh khap lo

Union Minister of Commerce & Industry Dr. Piyush Goyal chuan Zokhawthar kaltlanga Teak leh Thingzai dang te lakluh khapna ah Teak leh Thingzai pangngai te chu Restricted list-ah a tel lo tih a sawi.

Mizoram Woodbased Industry Owners Association (MWIOA) te chuan Zokhawthar atanga Teak leh Thingzai chi dang te lakluh kawnga an harsatna te Governor Hari Babu Kambhampati hnenah kumin June 21 khan sawiin, ziakin ngenna an thehlut nghal a. Hei hi Governor chuan July 23, 2022 khan Union Commerce Minister hnenah hian thlen sakin, Union Minister hnenah MWIOA te harsatna sutkiansak turin a ngen bawk a. Union Commerce Minister Dr. Piyush Goyal chuan September 29, 2022 khan lehkha hmanga Governor a rawn chhanna ah Governor ngenna te a lo zirchian tawh thu sawiin, Thing chi 2 - Article HS 44039918 tia chhinchhiah (rough wood of red sanders) leh HS 44039922 (rough wood of Sandalwood) te chu Import Policy hnuaiah bungraw lakluh khap a ni tih tarlang a. A bak thingzai dang zawng leh thingzai atanga thilsiam te chu Zokhawthar Land Customs Station kaltlangin khuahkhirhna awm lovin a lakluh theih tih a rawn ziak a ni.

Union Commerce Minister chuan Custom Act, 1962 hnuaiah Zokhawthar Land Customs Station, Champhai District, Mizoram chu Land Customs Station atan puan a ni tawh tih a rawn thai lang tel a. A chunga sawi tak te kaihhnawih thilah hian bawhzui tur a awm chuan chak takin bawhzui a ni ang tih a rawn sawi lang bawk a ni.

Comments

Popular News (Last 30 Days)

LPG man bithliah thar