STP in ruihhlo thatloh zia inzirtirna zofel

Serchhip Thalai Pawl (STP) ten kumin June 27 atanga Serchhip khawpui chhunga High School leh Higher Secondary School-a ruihhlo that loh zia inzirtirna an buatsaih chu zofelin nimin khan Govt. High School Serchhip-ah a kharna neih a ni.
STP ten nimin-a Govt. High School Serchhip a Drugs Awareness Campaign an neih hi STP Asst. Secretary C. Lalrochhuanga chuan kaihruaiin STP President T. Biakchamliana chuan ruihhlo that loh zia chungchang zirlai kalkhawmte hmaah sawiin, Zirlai naupangte chu ruihlo laka inthiar-fihlim tur te, an thiamna ram leh hnam tana hmang thei tura hlawhtlinna an neih theih nan nu leh pa, Zirtirtute thu awih tur in a chah bawk a ni.

STP hian mithiam bik sawmin Trainers Training an neih hnuah anmahni sum sengin International Day for Drugs Abuse and Illicit Trafficking Day denchhen in June ni 27,2022 atang khan Serchhip a High School leh Higher Secondary School-ah te Drugs Awareness Campaign hi an nei a, nimin thleng khan H/S 7 leh HSS 3-ah te Ruihhlo that loh zia inzirtirna hun hi an hmang a ni. Zirna In hrang hranga Awareness Campaign neih phalna petu DEO Serchhip, leh Zirna In thuneitu te leh zai-a tawiawm thintu JOD Band leh Lalrempuia te chungah STP chuan lawmthu an sawi a ni.