Girls Self-Defence Training

Samagra Shiksha Mizoram leh Mizoram Amateur Taekwondo Association (MATA) ten thawhhona thuthlung an lo ziah tawh anga Mizoram District hrang hranga Sawrkar Zirna In 1263 a Girls Self-Defence Training an buatsaih tur chu Serchhip District-ah pawh niminpiah khan a hawnna Govt. JM High School-ah neih a ni a. He hun hi Samagra Shiksha Serchhip District-a Addl. DPC Vanlalchhana chuan kaihruaiin DPC Lawmawma chuan a hawng a, he hun hi Serchhip District Amateur Taekwondo Association (SDATA) President Vanlalhruaia pawhin hmanpuiin thu a sawi bawk a ni.

Girls Self-Defence Training hi Serchhip District chhunga Sawrkar School 40-ah kalpui tura ruahman a ni a, heng zinga 21 chu Middle School niin High School 17 leh Higher Secondary School pahnih-ah kalpui a ni dawn a, heng zirna In-a zirtirtu tur mi MATA chuan a ruat dawn a, thla thum (3) chhunga zawh hman tura ruahman a ni.

Comments

Popular News (Last 30 Days)

Vawiin-ah HSSLC Exam result