SMC leh SMDC hnathawh dan tur zirhona neih a ni

Samagra Shiksha Serchhip Block hnuaia School Management Committee (SMC) leh School Management Development Committee (SMDC) tan an hnathawh tur hrang hrang inzirtirna chu nimin khan BRC Hall, Serchhip-ah neih a ni.
Elementary School-a SMC leh Secondary School-a SMDC te tana an hnathawh dan tur zirhona neih hi Samagra Shiksha Serchhip District-a Addl. DPC Vanlalchhana chuan hmanpuiin SMC leh SMDC din thar a nih hnuah an hmalak dan tur leh hnathawh dan turte an hriatchian theih nan he hun hi buatsaih a nih thu a sawi a. SMC leh SMDC te chu School neitu tak tak, School tana tha turah theihtawp chhuah tura beisei an nih thu sawiin, chutihrual chuan zirna atana thawktute tana hnathawh kawnga harsatna thlentu ni lo turin a chah bawk a ni.


He Training hi Samagra Shiksha Ser-chhip BRCC J. Lalmuanpuia chuan a kaihruai a, District Child Protection Officer (DCPO) Lalsiampuii chuan Juvenile Justice Act 2015 leh POCSO Act 2012-a zirlai naupangte tana hriat tur pawimawh hrang hrang zirtirin Serchhip DIET Principal Lalrammawia chuan tunhnaia duan thar Foundational Literacy and Numeracy (FLN) chungchang a zirtir a. Samagra Shiksha Serchhip District-a Deputy DPC i/c Elementary R. Lalawmpuia leh Deputy DPC i/c Secondary PC. Vanlalluna te chuan SMC leh SMDC kalphung te, School Development Plan chung-chang leh sum pekchhuah an nih dan te an zirtir bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man