Latest News

Zirlai ten thisen Unit 46 pe

/
Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.
Post a Comment

Serchhip-a YMA Football khel tan

/

Serchhip Sub-Hqrs. YMA buatsaih YMA Branch 32 telna Inter-Branch YMA Football Tournament chu nimin khan khelh tan a ni.

Serchhip Sports Complex-a khelh Inter-Branch YMA Football Tournament-ah hian nimin khan match khat khelh niin inkhel hmasa berah New Serchhip Venglai chuan North Vanlaiphai Damdawi Veng Branch YMA chu si li faiin an hneh a, he inkhel ah hian New Serchhip Venglai Branch tan Zirlianthanga chuan goal hnih a khung bakah C. Lalnuntluanga leh Lawmsangzuala te chuan goal khat ve ve an khung a ni. Tarlan tawh angin he inelna a tel te hi Dekchi hlan vek an nih dawn bakah Champion Team in Rs. 50,000/- leh pahnihna in Rs. 25,000/- an dawng anga, Semi Final-a chaklo in Rs. 7000/- an dawng bawk ang.

Vawiin-a inkhel turte :

Thinglian Branch Vs North Vanlaiphai Venglai Branch

Piler Branch Vs Ngentiang Branch

Sialhau Branch Vs Chhingchhip Mualpui Branch

Comments

Post a Comment

Popular News (Last 30 Days)