Serchhip District-a H/S leh HSS Zirtirtute tan ‘Project Himna-MADAT’ hnuaiah Training neih a ni

Serchhip District-a ‘Project Himna-MADAT (Mizoram Against Drugs Alcohol Tobacco)’ kalpui mek atan nimin khan Serchhip District chhunga High School leh Higher Secondary School Zirtirtute tan he Project chungchang zirhona hi neih a ni.
Serchhip CMO Conference Hall-a he Training buatsaih hi Serchhip District Education Officer Lawmawma chuan kaihruaiin he hun hmanpuitu Serchhip Chief Medical Officer (CMO) Dr. Lalzawmi chuan Project Himna MADAT hnuaia High School leh Higher Secondary School zirtirtute hnena Zu, Ruihhlo/damdawi leh Vaihlo laka thalai leh zirlaite an him theihna tura training buatsaih a ni chu lawmawm a tih thu a sawi a, a bik takin Serchhip District-ah ruihhlo, Drugs a hluar nasa em em tih sawiin, a dona leh a laa inhnamhnawih ve lo thalaite venhimna kawngah nasa taka tan kan lak a ngaih thu a sawi a, training hun hmang tangkai a, nasa lehzuala thalaite ruihhlo laka chhanchhuahna kawng a tan la thar turin he huna tel School hrang hranga Zirtirtute chu a sawm bawk.


He Training-ah hian National Tobacco Control Programme (NTCP)-a District Nodal Officer Dr. Lalngaihawmi Chhangte chuan Zu leh damdawi hmansual in kan taksa-a nghawng a neih theih dan leh ngawlveina lo awm theih dan chungchangah kalkhawmte zirtirna pein Serchhip SDPO Kaste Romalsawma chuan Narcotic Drugs and Psychotropic Substances (ND&PS) Act, 1985-in ruihhlo chi hrang hrang a khapna leh Dan bawhchhia te hremna chungchang zirtirin NTCP Serchhip District-a Psychologist Maria VL. Neihhlui chuan Vaihlo leh a kaihhnawih in mihring-a ngawlveina a thlen theih dan leh Vaihlo leh a kaihhnawih sim tura hmalakna te a tarlang bawk a ni.

Zu leh ruihhlo bakah Vaihlo leh a kaihhnawih atanga zirlai naupangte an him theihna tura hmalakna, Project Himna-MADAT (Mizoram Against Drugs Alcohol Tobacco) hi June 21, 2017 khan bul tan niin, Vaihlo, Zu leh dawidawi ruih theih laka thalaite an fihlim theih nana zirlai an nih lai atanga zirtirna tha pek chu a tum ber a ni a, Serchhip District-ah pawh kalpui ni tawhin kum 2018 khan Serchhip District chhunga School 30 ah kalpui a lo ni tawh a, naupangte chu ruihtheih thil avanga an chunga thil thalo thleng thei hrang hrang hrilhhriatna neih te, Zirtirtu training pek te, School-a Anti-Tobacco/Anti-Drugs Club din te, intihsiakna buatsaih te, zirna In bulhnaia vaihlo leh drugs eng chi mah zawrh phallo tura hmalak te, naupang te nena Public Education Campaign buatsaih te, Hoarding siam leh zirtirtu te vaihlo leh ruihhlo dang laka an fihlim theih nana hmalak te chu he Project hnuaia hmalakna ah hian a tel a ni.

Comments

Popular posts from this blog

Tukverh-a tlasual boral