Kawng ping thianfai nghal

Serchhip leh Keitum inkar NH. 54 chu nizan hmasa khan leimin vanga kaltlang theihloh a awmin nimin chawhnu lam khan lirthei kaltlang theih tura thenfai a ni.
Thudawn danin nizan hmasa dar 10:00 vel khan Serchhip leh Keitum inkar NH. 54 chu Dawngzawl leh Keitum inkar-a kawng-chhak lam atanga lung tla in a hnawh a, helai hmun hi NHIDCL hnuaia KRAM Infracon Pvt. Ltd. ten hna an thawhna hmun, Midum kham tia an sawi thin lai vel a ni a, lung tla hi kawng hi hnawh vekin lirthei tan kaltlang theih a ni lo a ni. Kawng thenfai hna hi nimin zing atang khan thawh nghal niin lung tla hi a len deuh avangin a then chu hal darh a ni a, ngawrh taka then a nih hnuah nimin chawhnu dar 1:00 vel khan lirthei kaltlang theih tura thenfai a ni a, amaherawh chu kawng chhak lamah hian lung leh lei tla mai thei te ala awm avangin mipuite chu fimkhur tura chah an ni bawk.

Comments

Popular posts from this blog

Tukverh-a tlasual boral