Serchhip-ah Cyber Jagrookta Diwas hman a ni

Nimin khan Govt. Higher Secondary School Serchhip-ah Computer leh Internet hmanga inbumna laka inven dan tur inzirtirna hun, Cyber Jagrookta Diwas hman a ni.
Serchhip-a Police Department leh Govt. Higher Secondary School, Serchhip te tangho in an buatsaih Cyber Jagrookta Diwas hi GHSS Principal PC. Thanhranga chuan kaihruaiin Serchhip Police Station-a Officer Incharge, SI C. Lalremthanga chuan he huna tel zirlai 300 chuang te chu Cyber Jagrookta Diwas hman a nih chhan te hrilhin, fimkhur a tul dan hrang hrangte a tarlang bawk a ni.


Khawvel thiamna sang zelah Information Technology thang nasa kan chhawr tangkai laiin keini aia thiam zawk leh hre ril zawk, kawng dik lo zawnga hmang duhtu ten inbumna chi hrang hrang rawn duang chhuakin mi tam tak an bum tawh a, heng inbumna laka kan inven thiam theih nan Cyber Jagrookta hi India ram pumah buatsaih niin thla tin Nilaini hmasa berah Cyber Jagrookta Diwas hi Cyber Crime lama mipui fimkhurna tur inzirtirna atan hman thin a ni a, Serchhip bakah hian nimin khan District hrang hranga zirna In-ah te pawh hetiang inzirtirna hun hi buatsaih a ni bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar