SEDP sum sem zo dawn hnai

Serchhip District-a Family Oriented SEDP hnuaia tanpuina dawng turte hnenah an Bank Account kaltlangin pawisa pek kim a ni dawn hnai ta a, UD&PA Department tihloh Department dang chuan an tifel thawkhat tawh a ni.

September thla-a LR, S&WC Department ten tanpuina dawng turte hnenah Bank Account kaltlanga sum an pekchhuah hnuah Department dang te pawhin an pechhuak mek a, Beneficiary ngah bera 1746 nei AH& Vety Department chuan Thawhlehni khan Bank-ah lamah an dahluh fel tawh thu sawiin, Account diklo thenkhat te avangin thun tlai hlek mah se Ningani leh Zirtawpni khan Account-ah a lut tawh a, Beneficiary 896 nei Agriculture Department pawhin Account-ah an thun fel tawh thu sawiin, Commerce & Industry Department pawhin an hnuaia beneficiary 937 zinga 934 te Account-a thun tura an tihfel tawh thu leh a dang 4 te chu hming double an nih avangin a thlakna tur la ngaihtuah leh tur a nih thu an sawi a ni.