Indian Medical Association (IMA), Mizo-ram Government Doctors' Association (MGDA) leh Indian Dental Association (IDA) te tangkawp chuan kar hmasa Ningani atanga Inrinni thleng khan East Lungdar-ah natna hrang hrang inentirna hun, Multi-Speciality Clinics an buatsaih a, he hunah hian mi 4050 inentir awmin East Lungdar bakah a chhehvel khaw 19 atangin inentir an awm a. Bialtu MLA leh Home Minister Lalcham-liana chuan Doctor leh Staff kal te hi damdawi man leh chaw ei man a tum sak a, East Lungdar Medical Officer leh Staff te, VC leh YMA ten a tul angin an puibawm bawk a ni.
A thlawna inentirna ah hian Ultrasound hmangin mi 383 en niin mi 76 te Laboratory hrang hrang hmangin test an ni bawk a, Endoscopy hmangin mi 80 en niin mi 273 te an ha phawi a nih bakah mi 350 te Tarmit chawh an ni bawk a. Zaipui mi 3 awmin zai tenau 27 an awm a, mi 57 te an Beng dinhmun enfiah sak niin heng bakah hian khawl dang hmanga enfiah leh a bika enkawlna pek engemaw zat an awm bawk a ni.
Comments
Post a Comment