Hri kai enkawllai 2 la awm

Nimin tlai thleng khan Serchhip District-ah COVID-19 hri kai enkawllai mi 2 an la awm.

Inrinni khan Serchhip District-ah COVID-19 hri kai mi pakhat hmuhchhuah niin Thenzawl khua a ni a, nimin-ah hri kai hmuhchhuah an awm lo thung. Inrinni khan Serchhip District-ah hri kai mi 3 te anmahni enkawlna hmun atanga chhuahtir an ni leh a, heng te hi Serchhip khawpui chhunga mi te vek niin New Serchhip, IOC Veng leh Bukpui-a mi pakhat theuh an ni a. Nimin khan hri kai mi 3 dam lehin New Serchhip, Thenzawl leh Khawlailung-a mi pakhat theuh an ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,601 niin an zinga 14,563 te chu enkawl dam an ni tawh a, hri kai zinga za zela 99.73 te chu enkawl dam an ni tawh a, hri kai enkawllai mi 2 la awmin New Serchhip leh Thenzawl-a mi pakhat ve ve an ni a, hri kai zingah mi 36 an boral tawh bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man