Presbytery Inkhawmpui tiak

Chhiahtlang Kawn Veng Kohhran Biak In a Chhimchhak Presbytery Inkhawmpui vawi 99-na nimin Pathianni hmanga neih chu nizan khan a tiak ta.
Tun tuma Chhimchhak Presbytery Inkhawmpui-ah hian nimin chawhma Inkhawm ah Upa thlan thar te nemnghehna hun hman niin Upa 5 nemngheh an ni a, nimin chawhnu khan kum kalta chhunga Upa boral mi 5 te sunna hun hman zui a ni bawk. Inrinni khan Presbytery Rorel Inkhawm neih niin an thurel zingah Synod Hospital-a Doctor (Specialist) lak dan kalhmang leh hlawh ennawn rawtna a tel a ni.

Chhimchhak Presbytery huamchhung ah hian Pastor Bial 5 awmin Kohhran 24 a awm mek a, Kohhran member 15,019 awmin an zinga 11,166 te chu Dan zawhkim an ni a. Nakum-a Chhimchhak Presbytery Inkhawmpui vawi 100 na chu New Serchhip Kohhran-ah neih a ni ang.